viaxe

Seis Millóns de pasos son os que separan o punto máis boreal e o máis occidental de Europa. 6000 km entre o cabo de Nordkapp en Noruega, ata a cidade galega de Santiago de Compostela, seguindo un dos trazados do Camiño de Santiago. Coru e Andrés cruzarán toda Europa, visitando as cidades e lugares máis representativos do camiño. Desde os -15º da planicie polar de Laponia, ata as terrazas soleadas de Praga.

Os protagonistas son ao mesmo tempo narradores, creando unha intensa actividade en Internet que fará que ti, que nos segues, poidas vivir a aventura en directo a través de Facebook, Twitter, YouTube, Flickr, dun blog e dunha páxina web.

Todo para transimitir as emocións, as experiencias e as vivencias que os peregrinos experimentamos durante o camiño.

Séguenos agora nesta primeira etapa, a máis dura, na que temos que buscar patrocinios e apoios para poder levar adiante esta aventura.

Vémonos no camiño.